A delicada liña que separa o normal do patolóxico tende a borrarse cando se trata das chamadas enfermidades mentais. Os seus síntomas, vistos dende a zona de confort, dende ese espazo cotiá no que nos movemos todos os días, parecen ‘disparates dunha mente trastornada’ e, polo tanto, afastados de nós. Pero, en todo ser humano, en cada un de nós están os mesmos desexos, os mesmos soños e os mesmos medos que amosan aqueles que están etiquetados polas distintas categorías psiquiátricas.

De distinta formación profesional (médico psiquiatra psicanalista Arturo e profesor e home de teatro, Eduardo), foi para nós un pracer colaborar na escritura desta comedia centrada na soidade como causante de trastornos psicolóxicos e no amor como auténtica terapia para curar as nosas enfermidades … queremos provocar o sorriso no espectador á vez que unha reflexión sobre o comportamento de todos nós, entre a cordura e a loucura … como o noso admirado Don Quijote, un tolo cordo ou un cordo tolo …

Moitas veces o amor pode causar ‘curacións milagrosas’. En cambio, cando nos quedamos atrapados na dor e no odio, podemos facer das nosas vidas un auténtico inferno. Como case todas as situacións da vida poden dramatizarse dende a comedia ou dende a traxedia, preferimos reflectir o sufrimento humano dende a óptica da comedia.

Eduardo Galán e Arturo Roldán