Todos somos Judy. Judy Garland pasou pola vida buscando un motivo para pasar pola vida. É un deporte perigoso. Buscar un motivo para vivir é un deporte de alto risco. Un pode chegar á conclusión de que a vida non ten sentido.

Todos somos Judy. Todos buscamos sentirnos queridos. Achegámonos á persoa equivocada, afastámonos da persoa que puidese ternos amado, asasinamos a esperanza da verdade. Todos desexamos o ben aos demais, pensamos que a nosa viaxe polo mundo é unha viaxe especial. Todos quixemos bicar as estrelas; todos quixemos nalgún momento ser unha estrela.

Todos somos Judy Garland, por iso, faremos unha viaxe á beira de Judy, aferrándonos forte á súa man diestra, sentindo a suor fría que emana antes do espectáculo. Judy só falará un instante. Rógase silencio para a súa actuación estelar. Mentres tanto, camiñaremos a súa viaxe polas baldosas amarelas, sen quitar a mirada da súa figura. Je suis Judy.