Estreada no Teatro Edouard VII de París en setembro de 2010, convértese nun dos maiores éxitos da carteleira parisina. Despois de permanecer durante toda a tempada e tras finalizar as súas representacións en xuño do ano seguinte, realízase unha película absolutamente fiel ao texto teatral e que tamén supón un enorme éxito en toda Europa, sendo nomeada a cinco premios Cesar e obtendo dous deles.
A peza é moi fiel ao estilo francés, recordando en moitos momentos a obras de autores da talla de Jaoui Bacrí, Thiery, Sibleyras e especialmente Yasmina Reza. UN DIOS SALVAJE, producida nas súas versión castelá e catalá polo mesmo equipo, levou un percorrido teatral e cinematográfico moi similar no noso continente. Co mesmo éxito realizáronse versión en diferentes países do mundo.
Parte dun primeiro conflito cunha importancia relativa, con consecuencias que pronto irán agrandándose e aflorando os verdadeiros problemas entre os seus protagonistas. Todo isto cunha linguaxe especialmente mordaz e con esa habilidade para facernos sentir que, as situacións que presenta, nalgún momento da nosa vida puideron ocorrernos a todos.
A identificación cos personaxes é inmediata. É próxima. Calquera familiar, amigo, marido ou esposa puido poñernos nesa situación. A dun vello rancor gardado, a de tomar partido por algo ou por alguén. E oxalá sempre todos os conflitos puidesen tratarse na vida real co mesmo sentido do humor con que o fai esta obra. Cremos que se trata dun texto enriquecedor para o público que o escoite.

DOSSIER