Ballet en tres actos, baseado no capítulo XIX do segundo libro de ‘El Ingenioso hidalgo Don Quijote de la Mancha’ de Miguel de Cervantes Saavedra.

A música é composta por Ludwig Minkus. A premiére mundial do ballet efectuouse o 26 de decembro de 1869 no Teatro Bolshoi de Moscú a solicitude dos Teatros Imperiais de Rusia.

O argumento –extraído do segundo volume da novela de Cervantes –atópase principalmente centrado nos amores de Kitri e o barbeiro Basilio. Don Quijote e Sancho Panza, con personaxes míticos atravesan unha serie de aventuras en torno á nova parella, que terá que fuxir e loitar polo seu amor para que o pai de Kitri, Lorenzo, admita a Basilio como o seu esposo. A chegada de Don Quijote e Sancho ao pobo, vólvese indispensable para que todo chegue a bo fin e consigan vivir o seu amor.