O singular e polifacético Alejandro Jodorowsky, é unha das personalidades máis fascinantes do século XX; escritor, filósofo, poeta, ensaísta, guionista de cómics, dramaturgo, cineasta, psicoterapeuta, psicomago, experto no tarot e por riba de todo sanador.

Ten 83 anos, dúas ou tres engurras, un pelame branco sobre unha axilísima cabeza. Vive en París. Con antecesores chilenos, xudeus, franceses, irlandeses …, ALEJANDRO JODOROWSKY descríbese como un ‘prescriptor de accións’ recomenda actos artísticos que cree curativos.

Comezou escribindo obras de teatro en México, continuou facendo pantomimas con Marcel Marceau en París, guionizou cómics con Moebius e despois, escribiu obras pánicas con Fernando Arrabal. Coñece as 22 cartas do tarot de memoria e é capaz de facer unha análise sen nen sequera miralas. Unha pregunta e un número e ALEJANDRO JODOROWSKY penetra no subconsciente do contrario.

O seu espectáculo é unha oportunidade única para todos aqueles seguidores e non seguidores do artista que queren participar nunha experiencia orixinal e sanadora. Con sinxeleza e exercicios prácticos, ALEJANDRO JODOROWSKY vai entregando ao público asistente recursos e coñecementos que axudan a derribar barreiras de bloqueo, inseguridade e medo instaladas na sociedade e en cada un de nós de xeito consciente e inconsciente.

Máis de 60 anos leva ALEJANDRO JODOROWSKY no mundo do teatro, o cine, o tarot, a psicomaxia e a sanación, todos eles entregados ao público para aportarlles doses de optimismo e visións diferentes á hora de enfrontarse a problemas cotiás.

“El saber y la risa se confunden. Decidí entonces incluir chistes en mis talleres a los que denominé Cabaret Místico junto a la interpretación de textos sagrados y ejercicios colectivos en los que participa todo el público”

Alejandro Jodorowsky