Espectáculo dinámico, divertido e didáctico. Percorre a historia do hip hop dende os seus inicios en New York nos anos 60 ata a actualidade. Durante o espectáculo, nos servimos dunha voz radiofónica externa que fala co público e coas dúas personaxes, diferentes coreografías, atrezzo, gags e expresións teatrais e xestuais axudan a que os espectadores gocen e entendan o que se lles está explicando.
Os diferentes estilos de hip hop teñen diferentes estéticas e accesorios para interpretalos. En “Orixe” utilizamos vestiario típico de cada estilo, formando ós espectadores tamén a nivel estético e axudándolles a poñerse en situación na época e no estilo do que estamos a falar.
Para este espectáculo, fixemos unha labor de investigación nas cancións que marcaron cada estilo na súa determinada década, procurando rescatar certos “tesouros” tanto da música Funk, como da actual, aínda que sempre sopesando a súa orixinalidade e calidade. En xeral, moitos dos temas utilizados son instrumentais, para non entorpecer as explicacións e non distraer ós espectadores do tema a tratar.
A variedade de estilos nos que se poden mover as dúas integrantes da compañía, fan posible a creación de coreografías de estilos tan diferentes como o Locking, o B-boying, o New Style, o Krump… e así, os espectadores de “Orixe” gozarán de variadas, divertidas e elaboradas coreografías, fieis aos orixes e evolucións de cada estilo.