Prezo: 12 € (VR) / 15 €
Duración: 90 minutos
Calificación: TP
Duración: 90 minutos
Calificación: TP
DATAS E HORARIOS
- Domingo, 25 de Xaneiro de 2015 | 20:00
SINOPSE
Combinando dominio da técnica, profundidade expresiva, o pianista Alon Goldstein, o violinista Ilya Kaler e o violonchelista Amit Peled uníronse para formar un dos tríos máis interesantes da escena internacional. Cada un dos membros deste trío ten unha carreira de éxito como solista virtuoso; no conxunto, aportan vitalidade á escena de concertos coa súa interacción dinámica musical e o seu espírito de colaboración.
O Tempest Trío tocou en diversas cidades dos EE.UU como Chicago, Baltimore, Seattle, Palm Beach, Spartanburg (Carolina do Sur) e Washington DC. En 2010 o trío realizou a integral de tríos de Schumann no Festival de Música de Cámara de Seattle e foi convidado a interpretar o ano seguinte a integral de tríos de Brahms. A prestixiosa Four Arts Society convidou ao Tempest Trío ao Beethoven Festival para interpretar os tríos de Beethoven, así como o Triple Concerto coa Orquestra Sinfónica de Palm Beach. Dende entón o Tempest Trío tocou ese concerto en numerosas ocasións nos EE.UU. En abril de 2011 o trío tocou por vez primeira en Alemaña (Bad Segebeg e Bosrstel), e foi convidado inmediatamente para a tempada 2013.
Outros eventos a destacar son os seus vindeiros concertos en Converse College SC, PA Allentwn, Odeon serie VA, Baltimore e Washington DC, así como actuacións do Triple concerto en Chicago en maio de 2012.
En xuño 2013 gravaron o seu disco para o selo NAXOS de tríos con piano de Dvorak que se presentou en abril 2014 con eloxiosas criticas, coincidindo co seu debut en España.
PROGRAMA.
S. Rachmaninov -Trío para violín, violonchelo e piano nº 1 en Sol menor ("Elexíaco") A. Dvorak - Trío para violín, violonchelo e piano nº 1 en Si bemol maior, op. 21 R. Schumann - Trío para violín, violonchelo e piano nº 1 en Re menor, op. 63
TEMPEST TRÍO [CICLO DE GRANDES INTÉRPRETES]
Tempest Trío son: Ilya Kaler (violín), Alon Goldstein (piano) e Amit Peled (cello)
ILYA KALER (violin)
Foi o único violinista ata o momento que gañou a medalla de ouro nas tres competicións máis prestixiosas do mundo: o Tchikovsky, Sibelius e Paganini. Foi comparado con músicos da talla de Heifetz e Perlman. Kaler actuou coas Orquestras Filarmónicas de Leningrado, de Moscú e coa de Dresde, coa Orquestra Sinfónica de Montreal, coas orquestras da Radio Danesa e de Berlín, a coas orquestras de cámara de Moscu e Zurich, entre outras; nas últimas tempadas actuou cun gran número de orquestras americanas, entre outras, a Boston Philharmonic Orchestra, a Filarmónica de Bogotá, a Orquestra Sinfónica Simón Bolivar de Venezuela, a Orquesta Filarmónica de Buenos Aires, Orquesta Nacional de Santo Domingo, Sinfónica de Miami… e en Europa acaba de interpretar o concerto de Tchaikowski coa Sinfónica de Berlín. Gravou máis de vinte CDs para o selo Naxos. O Washington Post gábao incondicionalmente coma ‘un músico consumado, Kaler está en contral tatal en todo momento, cunha mestría sen par do seu violín’. As súas gravacións dos Caprichos de Paganini foron consideradas pola American Record Guide como ‘super calse por si mesmos’, combinando ‘a perfección, a paixón e a escultura da frase de Michael Rabin coa enerxia, a emoción e a inmediatez de Jascha Heifetz’.
En novembro de 2012 debutou en España na tempada da Real Filharmonía de Galicia con grande éxito.
ALON GOLDSTEIN (Piano)
Actuou como solista coas orquestras sinfónicas de Filadelfia, San Francisco, Houston, Baltimore, Seattle, Vancouver e San Luis, así como as orquestras filharmónicas de Los Ángeles, Londres e Israel, e baixo a batuta de directores como Herbert Blomstedt, Rafael Frübeck de Burgos, Vladimir Jurowski, Peter Oundjian e Zubin Mehta. Actuou en lugares tan prestixiosos como o Hollywood Bowl en Los Ángeles, Carnegie Hall, Museo Metropolitano e a ‘Y’ rúa 92 da cidade de New York, a Salle Pleyel de París, Mann Center en Tel Aviv e o Kremlin en Moscú. ‘Goldstein é simplemente profundo’, escribiu o Washington Post despois do seu debut na Phillips Collection de Washington DC. ‘Goldstein é unha xoia’, escribiu o Generalanzeiger Reutlinger (Alemaña), e despois do seu regreso triunfal á orquestra de Philadelphia, The Philadelphia Inquirer escribiu: ‘Estas actuacións toman unha clase de valor que rara vez se escoita nestes días, polo que un trata de escoitalo en cada posible oportunidade’.
EN 2013 foi o pianista elixido polo Tokio String Quartet para a súa xira de despedida por USA. Acaba de participar no Festival de Piano do Ruhr.
En xullo de 2013 debutou coa sinfónica de Chicago dirixido por James Conlon.
Nas últimas tempadas foi convidado por importantes orquestras europeas como a filharmónica de Radio Francia e a filharmónica de Londres.
En outubro de 2014 é convidado a dous Ciclos de Grandes Intérpretes en España: o Pilar Bayona de Zaragoza e o do Teatro Colón en A Coruña.
AMIT PELED (cello)
Foi aclamado polo American Record Guide por ‘ter o estilo do mozo Rostropovich’. ‘As bágoas mesturábanse coa aplausos’, escribiron despois do seu debut no Kravis Center de Florida, e despois do seu debut no Wigmore Hall en Londres a ilustre revista Stradivarius puxo de relevo as súas ‘interpretacións audaces e concibidas con dramatismo’. Amit Peled apareceu como artista convidado nalgunhas das salas de concertos máis importantes do mundo, incluíndo o Alice Tully Hall e Carnegie Hall en Nova York, a Salle Gaveau de París, Auditorio Nacional de Barcelona, Konzerthaus de Berlín e o Auditorio Mann en Tel-Aviv; o Grant Park de Chicago e o Kennedy Center de Washington. Entre as orquestras coas que colaborou atópanse a Baltimore Symphony, European Philarmonica Orchestra, Radio Symphony Orchestra Saarbrücken, Orquestra Sinfónica de Barcelona, London Soloists, Jerusalem Symphony, The Israel Chamber Orchestra ou a Musica Vitae Chamber Orchestra, por numerar algunhas.
Ten a honra de tocar co cello Goffriller de Pau Casals e con el volverá ao Festival Pau Casals de El Vendrell en agosto de 2015 despois do seu éxito en 2014.