Baseado na película gañadora dun Oscar, Priscilla. Reina del desierto é o musical internacional máis espectacular e divertido. Conta as aventuras de tres artistas drag que atravesan o deserto australiano a bordo do autobús que dá nome ao musical, nunha viaxe na procura do amor e da amizade e na que acaban atopando máis do que nunca poderían soñar.

Con 40 artistas, unha impresionante colección de máis de 500 disfraces premiados, 200 tocados extraordinarios e a banda sonora máis bailada da historia, que inclúe os grandes éxitos da discoteca, desde Tina Turner ata Madonna, Priscilla. Reina del desierto é o ‘feelgood’ musical por excelencia.

Gañador dos premios Oscar, Tony e Olivier, Priscilla. Reina del desierto interpretouse en 135 cidades, 30 países e foi bailada por máis de 7 millóns de persoas.

Cando se cumpren 30 anos da estrea da película e se cumpren 18 anos da estrea mundial do musical en Sidney, Priscilla. Reina del desierto regresa cunha nova produción.

Así que desempolva as perrucas e os tacóns, practica os teus mellores movementos de baile e cóbrete de todo o brillo que poidas atopar, porque o inesquecible, emblemático, divertido e mítico musical, Priscilla,… está de volta!