PANORAMA KIDS é un musical para toda a familia no que interveñen os 20 compoñentes da Orquestra Panorama, que interpretarán temas de carácter infantil, tanto actuais como clásicos.

O argumento do espectáculo é de corte contemporáneo e está baseado en situación cotiás vividas pola propia orquestra, que amosará a parte humana dos artistas. Para isto a Orquestra Panorama contará coa colaboración dunha gran actriz galega recoñecida a nivel nacional, como é María Mera, protagonista de series como Matalobos (TVG), El Faro (Forta) ou Vive Cantando (Antena 3). Toda a música de Panorama Kids estará interpretada en directo polos músicos da orquestra, que interactuarán co público ao longo do espectáculo.

Panorama Kids é un espectáculo á altura do que se espera dunha orquestra como Panorama, caracterizada pola calidade e espectacularidade de todos os seus shows, galas e actuacións. Os diferentes números e acrobacias aéreas e a delicadeza e vistosidade das diferentes coreografías fan de Panorama Kids un espectáculo diferente e novidoso.