Entrada para ouvintes para o taller de actuación que imparte John Strasberg no Teatro Colón da Coruña. Strasberg ensinará o seu denominado “proceso creativo orgánico” a través de escenas do teatro contemporáneo. Os actores e actrices traballarán sobre textos de autores tan relevantes para a literatura como Tennesse Williams, Harold Pinter, Neil Simon ou Woody Allen.

Escoitar e ver son partes fundamentais do proceso creativo. Cremos que o traballo dos actores pode ser interesante para directores, escritores ou calquera persoa relacionada co mundo da arte ou do teatro.

As clases son de luns a venres. Do 18 ao 22 de xuño e do 25 ao 29 de xuño. Podendo os interesados, comprar entradas para todos os días ou para os que desexen. As sesións empezan puntuais ás 10 h e terminan ás 15 h.

É importante manter un clima de concentración e atención.

Agardámosvos.