• Venres, 13 de Novembro de 2015 | 20:30

Montaxe baseada nas sátiras e discursos políticos do xenio do Século de Ouro. Un concentrado da mellor irreverencia de Quevedo, escritos que no seu momento acadaron un grande éxito, provocando diversas polémicas, entre as que non faltaron acusacións de obra subversiva; e que, pola súa aceda crítica ás corruptelas de ministros, maxistrados e banqueiros sen escrúpulos, levaron ao autor ao cárcere en varias ocasións.

A obra presenta a un extravagante diaño agardando a dous necios aos que espera cativar coa súa ‘escola dos vicios’, a única na que os alumnos cobran por aprender. As titulacións serán: bacharelato en mentir, licenciado en enganar, doutor en roubar e catedrático en medrar. Os dous necios, tras unha inicial reticencia ao ver que é o diaño quen imparte as clases, métense de cheo na aprendizaxe polo xeneroso acordo proposto, conseguindo excelentes resultados, e moito máis alá das súas expectativas, ao ser nomeados Ministro e Maxistrado respectivamente, aínda que o diaño ten unha última e sorprendente ensinanza …