Divulgadores de primeiro nivel achegarannos á ciencia a través de charlas curtas e inspiradoras. Contaremos cos neurocientíficos: Xurxo Mariño (Órbita Laika, gañador de premio Prismas 2024 ao mellor libro de divulgación) e Casto Rivadulla (divulgador experto en neurociencias autor do libro A que cheiran as cores?), a xornalista, sexóloga e divulgadora Laura Veiga (responsable do proxecto Pingando, centrado na menstruación e a educación sexual) e a experta en bioloxía, neurociencia e saúde Tamara Pazos (creadora do podcast Un humano por persoa e autora de Este libro farache vivir máis).