Iñaki Urrutia e JJ. Vaqueiro decidiron que xa vale de facer monólogos. O que se leva agora é facer sketches encima dun escenario e é o que se propuxeron e é o que van facer!

Só hai un pequeno problema: hai que escribir os sketches… Conseguirano? Pois iso é o que descubriremos en “EN BRUTO”, o novo espectáculo destes dous veteranos da comedia que decidiron unir forzas para facer unha cousa diferente facendo o mesmo.

Durante hora e media de show debullarán como se escribe un sketch, o que fai graza e o que non e mesmo cantarán e farán castings.
Non sabemos se o conseguirán, pero tede en conta que é un espectáculo “en bruto”… xa o pasarán “a limpo” e entón será a hostia!