Concerto teatralizado con repertorio de: Luis Mariano, Rocío Dúrcal, Mario Lanza, Nino Bravo, Carmen Sevilla e Gloria Lasso. 

Luis Mariano aparece nunha misteriosa estación de tren, non sabe nin de onde vén, nin a onde vai… pero no seu corazón sabe que o que alí vai acontecer, será definitivo, polo que decide agardar con paciencia ao tren que está por chegar.

Na súa espera, rememorará, axudado e removido á vez, por un mendigo que habita na estación dende fai anos (o mestre pianista), pasaxes do seu pasado, episodios emotivos xunto a artistas coetáneos como Mario Lanza, Sara Montiel ou a súa inseparable Gloria Lasso.

Esta será a escusa e o punto de partida dunha historia na que se alternarán os celos, a rivalidade e a comicidade coas pezas máis representativas e deliciosas do célebre cantante irunés.