David Guapo presenta o seu novo monólogo titulado #QUENONOSFRUNJANLAFIESTA2, unha aposta segura na que o humor, a música e a improvisación se mesturan nun espectáculo único. David Guapo combina diálogo e música, fai diálogos e non monólogos, as súas actuacións son auténticos intercambios de impresións cos espectadores construíndo un espectáculo divertido e sorprendente.

David Guapo foi o monologuista revelación do 2011 coa súa aparición en ‘El Club de la Comedia’ e dende entón é considerado polo gran público un dos mellores monologuistas nacionais. Posteriormente, a diario, participou no programa de humor referente da sobremesa: ‘Sé lo que hicisteis’, onde acabou de consolidarse como unha das novas caras da televisión a nivel nacional.

Son xa máis de tres anos no mundo da televisión, sempre ao máis alto nivel da comedia: Buenafuente, El Hormiguero, Nuevos Cómicos de Paramount Comedy, aínda que leva máis de 10 anos actuando en directo, onde sempre sorprende con material inédito.