Música e ilustración danse a man nun espectáculo que lle poñerá a guinda á xornada inaugural deste Viñetas 2023. Este concerto ilustrado contará con música en directo a cargo da banda coruñesa Hongo, que será ilustrado ao vivo por tres queridos autores do panorama da autoedición de banda deseñada coruñesa: Paz Rodríguez, Luis Yang e Julia Abalde. A execución das ilustracións por parte dos tres artistas será proxectada en tempo real no Teatro Colón mentres a banda actúa.