A gala, conducida pola monologuista CRISTINA MOREIRA e polo director da mostra, NELSON QUINTEIRO, contará coa participación da formación CASPERVEK Trío, unha proposta musical de altísima calidade chegada dende Vigo que poñerá música a fragmentos de cinema mudo así como clips de películas universais arredor do cabaré como estética. Así mesmo teremos a presentación do traballo musical THE POCKETTES da man do coñecido grupo FALTRIQUEIRA de Pontedeume, unha proposta a capella que lonxe da música tradicional á que nos teñen acostumados toma músicas de vodevil ou músicas de cabaré de principios de século e entreguerras para ofrecelas do xeito máis distendido. Para continuar coa nosa travesía cruzaremos o océano atlántico ata chegar aos salóns de tango encabezados pola voz de IRIA LIS e a súa formación TANTO TANGO da Coruña, onde se xuntan músicos de grande pegada como o contrabaixista QUIQUE ALVARADO ou o guitarrista GUSTAVO DEVITTO.

Para amenizar a velada, ademais contaremos cunha MOSTRA DE IMPROVISACIÓN COREOGRÁFICA despois do curso de IMPRO-JAZZ-CABARET que será impartido a semana previa ao 8º Festival Galego de Cabaré.