IN CAMARA

MÚSICA · DANZA · IMPROVISACIÓN · PERFORMANCE

Ensemble Galería é un grupo de artistas multidisciplinares que trata de sacar a música clásica das súas fronteiras habituais e chega a conclusións alternativas. Dirixidos por Alejandro Garrido e o seu interese por cambiar o rumbo aparente do plano da música clásica, confórmanse coma un laboratorio das Artes.

O proceso creativo é a antítese do formato tradicional de “concerto” no cal os músicos sentan para tocar en fronte dos seus atrís e o público, á súa vez, en fronte deles para lles aplaudir. Así xurdiu no verán de 2016 o Proxecto Terra, o seu primeiro proxecto como grupo interdisciplinar. Coreografiados por Andrés Marín, os músicos de Ensemble Galería integran a danza ao Cuarteto n.º 8 de Shostakovich na súa versión orquestral, obra sobre a que xira toda a produción do espectáculo.

Fóra os clichés

Non só é unha orquestra que toca sen director. Existen moitas orquestras que traballan desta maneira, en moitas ocasións dirixidas por un leader, como por exemplo, o concertino.

Ensemble Galería non só é unha orquestra que toca de memoria. Toca de memoria cun obxectivo: o de permitirse a liberdade de movemento necesaria para poder bailar, actuar ou pintar; imposible se estiveran supeditados a un atril.

• Dirección artística: Alejandro Garrido
• Danza: Amélie Trotet
• Percusión: LAR Legido
• Estilo: música clásica, danza, performance e improvisación
• Obras de Shostakovich. Stravinsky, Ensemble Galería