Cunde

Visitas guiadas ao Teatro Colón con María Casares.

Como é un Teatro á italiana por dentro?

Quen foi María Casares e como era a vida teatral na Coruña dos anos 30?

Como cambiou o Colón desde a súa construción en 1948 até os nosos días?

Estes son os tres eixes desta proposta de visita ás instalacións do Teatro Colón. O público que nos visite poderá coñecer as partes dun teatro: platea, proscenio, escenario e caixa negra, maquinaria, camerinos, foso da orquestra… todo explicado e conducido pola nosa particular María Casares, que enlazará esta información coa súa vida e a do Teatro Colón ao longo do tempo.