María Pujalte e Vicente Romero protagonizan a comedia ‘Losers’
Este venres 13 ás 20:30 horas chega ao Teatro Colón a comedia ‘Losers’, que protagonizan os actores María Pujalte e Vicente Romero. O sábado 14 ás 12:00 horas o youtuber Auronplay presenta o seu primeiro espectáculo en solitario, despois da xira teatral xunto a Wismichu.
‘Losers’ é un texto de Marta Buchaca baixo a dirección de Guillem Clua. Un espectáculo con situacións e atmosfera actual que provoca as risas do público, tanto polas situacións que viven os dous protagonistas como pola identificación entre espectadores e personaxes. Narra a historia de Manuel e Sandra, que andan sobre os corenta e non teñen nada do que a sociedade presupón que se debe ter a esta idade: nin fillos, nin parella, nin casa, nin cartos… Por iso se consideran a eles mesmos uns perdedores e queren deixar de estar sos.
A obra repasa os diferentes momentos da vida desta parella, dende que se coñecen nun apaixonado inicio ata que os anos de convivencia fan resaltar os defectos. ‘Losers’ faranos reflexionar sobre o feito de se coñecer as particularidades íntimas do outro sumado ao desgaste do tempo pode ser definitivo, ou se pola contra, prevalece o que senten o un polo outro ou o medo a quedar só a certa idade. O director, Guillem Clua, afirma que o texto de Marta Buchaca chamoulle a atención dende o primeiro momento, ‘las comedias románticas tienen algo poderoso oculto tras la simplicidad de su planteamiento, porque hablan de una de las pocas cosas que todos los seres humanos tenemos en común: la necesidad de amar y ser amados’.
O sábado 14 ás 12:00 horas o youtuber Auronplay presenta o seu primeiro espectáculo en solitario. Despois do éxito da xira que realizou por teatros xunto a Wismichu volve para seguir infectando ao público con doses de humor, ironía e o seu estilo particular de ver as cousas.
María Pujalte e Vicente Romero protagonizan a comedia ‘Losers’
Este venres 13 ás 20:30 horas chega ao Teatro Colón a comedia ‘Losers’, que protagonizan os actores María Pujalte e Vicente Romero. O sábado 14 ás 12:00 horas o youtuber Auronplay presenta o seu primeiro espectáculo en solitario, despois da xira teatral xunto a Wismichu.
‘Losers’ é un texto de Marta Buchaca baixo a dirección de Guillem Clua. Un espectáculo con situacións e atmosfera actual que provoca as risas do público, tanto polas situacións que viven os dous protagonistas como pola identificación entre espectadores e personaxes. Narra a historia de Manuel e Sandra, que andan sobre os corenta e non teñen nada do que a sociedade presupón que se debe ter a esta idade: nin fillos, nin parella, nin casa, nin cartos… Por iso se consideran a eles mesmos uns perdedores e queren deixar de estar sos.
A obra repasa os diferentes momentos da vida desta parella, dende que se coñecen nun apaixonado inicio ata que os anos de convivencia fan resaltar os defectos. ‘Losers’ faranos reflexionar sobre o feito de se coñecer as particularidades íntimas do outro sumado ao desgaste do tempo pode ser definitivo, ou se pola contra, prevalece o que senten o un polo outro ou o medo a quedar só a certa idade. O director, Guillem Clua, afirma que o texto de Marta Buchaca chamoulle a atención dende o primeiro momento, ‘las comedias románticas tienen algo poderoso oculto tras la simplicidad de su planteamiento, porque hablan de una de las pocas cosas que todos los seres humanos tenemos en común: la necesidad de amar y ser amados’.
O sábado 14 ás 12:00 horas o youtuber Auronplay presenta o seu primeiro espectáculo en solitario. Despois do éxito da xira que realizou por teatros xunto a Wismichu volve para seguir infectando ao público con doses de humor, ironía e o seu estilo particular de ver as cousas.