PREMIOS MARÍA CASARES MELLOR TEXTO, MELLOR DIRECCIÓN E MELLOR ACTRIZ PROTAGONISTA (SUSANA DANS) 

PREMIO DO PÚBLICO MIT 2013 [MOSTRA INTERNACIONAL DE TEATRO DE RIBADAVIA]

‘As do peixe’ son as traballadoras da conserva. A man de obra barata dunha industria que, ao longo do tempo e da xeografía, acabou por facer parte da paisaxe emocional do noso país.

‘As do peixe’ son catro actrices que encarnando catro mulleres concretas, representan miles de anónimas traballadoras: as súas humildes historias, as súas vidas comúns, as súas íntimas arelas, os seus modestos soños, as súas pequenas frustracións. A súa memoria colectiva.

‘As do peixe’ é un espectáculo sentido, bulideiro, divertido, intenso, directo, reflexivo, fresco, reivindicativo … porque así eran aquelas mulleres.